حوزہ نیوز ایجنسی کی رپورٹ کے مطابق، مرکز افکار اسلامی کی جانب سے پاکستان کے شہر جنڈ میں واقع دینی درسگاہ جامعہ جعفریہ جنڈ میں 2 نومبر 2025ء بروز اتوار مدرسہ ہذا کا سالانہ اجتماع بعنوان نہج البلاغہ کانفرنس 2025ء منعقد ہوا۔ جس میں علاقہ بھر کے علماء و مومنین نے بھرپور شرکت کی اور مختلف علماء و خطباء کے بیانات سے مستفید ہوئے۔
مکمل تصاویر دیکھیں:
جامعہ جعفریہ جنڈ میں سالانہ اجتماع بعنوان "نہج البلاغہ کانفرنس 2025ء" کا انعقاد
رپورٹ کے مطابق، مولانا لیاقت علی اعوان نے نظامت کے فرائض دئے اور ملک بھر سے متعدد خطباء اس پروگرام میں تشریف لائے اور نہج البلاغہ کے موضوع پر گفتگو کی۔ جن میں سرپرست مرکز افکار اسلامی مولانا مقبول حسین علوی انگلینڈ، علامہ سید محمد تقی نقوی، وکیل مرجعیت علامہ شیخ انور علی نجفی اسلام آباد، مولانا سید سعید ہمدانی (پرنسپل جامعہ ہذا،تشکر و مدرسہ کی فعالیت پر مبنی رپورٹ پیش کی)، مولانا سید عابد شیرازی، مولانا انیس الحسنین خان اسلام آباد، ، مولانا اقبال حسین مقصود پوری ، مولانا سید علی رضا نقوی لاہور ، مولانا سید انیس رضا نقوی، مولانا پروفیسر عابد حسین سرگودھا، مولانا سید جعفر نقوی (برای قرائت پیغام قائد ملت جعفریہ پاکستان) اور مولانا سید علی رضا نقوی سمیت دیگر علماء کرام شامل ہیں۔
قائد ملت جعفریہ پاکستان علامہ سید ساجد علی نقوی کا اس کانفرنس کے نام جاری خصوصی پیغام بھی پڑھ کر سنایا گیا۔
ضلع اٹک اور دور دراز علاقوں سے مومنین کی بڑی تعداد کے ساتھ ضلع اٹک کے 70 سے زائد امام جمعہ والجماعت نے کانفرنس میں شرکت کی، جامعہ جعفریہ کو قریب سے دیکھا اور ہر مہمان نے جامعہ کے تعلیمی و تربیتی نظام اور تعمیراتی حوالہ سے اور طلاب سے مل کر خوشی کا اظہار کیا، کانفرنس اور جامعہ کے تعلیمی امور کو سراہا اور آئندہ تبلیغی امور بالخصوص قرآن مجید و دین مبین محمدی (ص) کے تبلیغی امور میں مشاورت بھی ہوئی۔ مومنین کرام نے اپنے علاقہ کی دینی درسگاہ کے ساتھ ہر اعتبار سے تعاون کرنے کی یقین دہانی بھی کروائی۔
قابل ذکر ہے کہ کانفرنس میں خواتین نے بھی بھرپور شرکت کی۔ مرکز افکار اسلامی ہی کے جنڈ شہر میں دینی ادارہ جامعہ زینبیہ (س) کی معلمات و طالبات نے خواتین کے پنڈال میں نظم و نسق و پزیرائی کےامور کو بخوبی انجام دیا۔
یاد رہے کہ اس کانفرنس کے دوران جامعہ جعفریہ کے 14 فارغ التحصیل طلبہ کی بزرگ علماء کا ہاتھوں عمامہ پوشی بھی کی گئی۔
آپ کا تبصرہ